December 11 / Little Man

今日中午口痕,見屋企無野食,又唔願出街,於是搵下個廚櫃有咩好食,就整咗這個餅乾。 杏仁提子燕麥餅乾提子乾 100g太陽花籽油 150ml糖 100g熱水 50ml大雞蛋  一隻杏仁精華 一茶羹玉桂粉  隨意中筋麵粉 150g梳打粉  1/4茶羹鹽  少許燕麥片 (非即食)300g切片杏仁  40g 1.…

Read the Post杏仁提子燕麥餅乾

December 5 / Little Man

小朋友滿一歲,但佢還是一個 BB。 上個星期上咗蘇格蘭搵屋租,搵到,裝修好近車站,超好彩,即刻落咗訂,但過兩個星期卡又去倫敦見工,佢話個經理好有心,好似有機會咁。去咗卡媽咪屋期過 Bertie 生日。乜都比佢揸晒主意,好似係慶祝佢做嫲嫲一周年咁,我同卡都只係客人,我話我想整蛋糕,佢話佢已經安排咗,我話但係我係佢媽咪喎,佢話你可以整啲小蛋糕在旁,之後竟然只係最普通嘅 白色 icing 蛋糕。我唔食icing,所以都無乜點食。我同卡結婚就比我媽咪決定晒點攪,我個仔一歲生日就成為咗卡媽咪的派對,唉,明明應該係我話事,次次都係咁,都唔知係我心軟唔會表達不滿定係真係唔到我。 下下都要等佢地安排先可以食野或做其他野,同埋 Bertie 又唔習慣成日要我抱返,其實係屋企仲無咁辛苦,起碼個廚房係我自己的,可以由得佢食到一地都係唔駛怕佢整污糟啲地氈。 今年聖誕我地決定係屋企過,反正如過真係搬去蘇格蘭一月又要揸一轉超長途車。 功課三千字遲咗足足一星期交。都唔知自己寫乜,返嚟之後 Bertie 又勁嘍計,就出牙仔又有啲傷風,攪到我同卡都有啲傷風,佢哩兩晚又訓得超差,甚至要好似…

Read the Post一歲之後

November 10 / Little Man

踏入十一個月之後,有好明顯的轉變。這段時間你突然喊少咗好多,開始牙牙學語,用唔同嘅動作或聲調去表達你嘅需要,亦開始喜歡同卡玩。你亦開始明白我行開清潔廚房唔駛驚我唔要你,開始可以自己一個玩一陣,但係一見到我坐係到就衝埋嚟,無論我睇書check 電話都要搶,所以我用少咗好多電話。你對書比對玩具有興趣,鐘意我重覆又重覆地同你睇貓貓書。雖然未識行,但手腳靈活咗好多,你嘅自由度大咗,嘍計嘍少咗,但對我嘅一舉一動都好有興趣,所以我都唔能夠講電話或send message,因為我尊重你,我做乜野都會解釋俾你聽,整緊野食時會俾野你試味,或者俾啲野你玩。我當你每一句  「呀呀拿拿」都係同我講緊野,唔能夠當你透明,亦難以分散注意力去同其他人講野。 從你出世到現在,我學會了很多,放棄了很多我一路以來可以控制或習以為常的東西,但得到了更多意想不到的收獲。同時我以為我睇開咗好多,但原來我比以前更難以釋懷。 你不是我的成績表。我媽媽說我和弟弟是她的成績表,我很不贊同。今天你會放食物入口,慢慢學會站立,行走,也不是我的功勞,只是時間和生理結構,係你自己嘅努力。今日我做甚麼也和你的將來沒直接的關係,甚至只係單純的為我自己。今日我還堅持喂母乳,係為你少啲病痛和敏感,令我第時擔心小啲;今日我對你有耐性,係讓他朝你會肯同我溝通,唔會對我恐懼,唔會越叫越走。今天我喜歡甚麼也自己動手做,選擇有機和對抗大財團的生活,當然我希望可以教你畫畫,教你整麵包,當然我更希望你會對世界好奇,對萬物存尊重和敬畏的心,你可能和爸爸一樣愛整電腦,可能青出於藍連屋也會自己起,又可能因為我大個了覺得錢係最重要,做大超市的總指揮,又或者和爸爸媽媽一樣夠十六歲就恨不得遠走高飛,去參軍,去旅行,去我聽都未聽過的地方。這一切都唔重要,因為我唔偉大,我唔係為咗你我點點點,我係為咗自己能成為一個更好的人。 從你未識講野前,我已在練習聆聽你的需要。好多人話啲細路唔聽爸爸媽媽話,鐘意聽補習先生或表哥表姐講,所以都會叫啲外人幫自己教仔。也許啲細路亦都會覺得無論自己講乜父母都係覺得自己啱晒,傾嚟都徙氣。我永遠都在你個邊,你夜晚訓得差,我唔急住要你喊到自己訓,因為我把你的喊聲看成溝通,喊得多會對腦部造成不必要的壓力甚至損害;你鐘意我抱,我查過常常被抱的孩子腦部發展得特別好,現在去邊都仲係孭住你;你一開始就唔鐘意我放食物入你個口到,對粥仔糊仔完全無興趣,我就諗,有咩動物係未預備好有牙仔就戒奶?於是就查書由幾時開始人個個幾個月就開始食糊仔,原來係因為用人奶的替代品唔夠營養,於是哩一百年啲人就鬥早開始俾 BB 食補給品,但人奶係最完美的營養來源,你知道你個胃好細,食咗其他野無胃口食奶,於是你抗拒其他食物。近排你有六隻牙仔,容易啲食野,於是對其他食物的興趣也大了。你差不多一歲,我都無迫住給你戒人奶,因為我知道你只有 60% 的抵抗力,其餘的還是靠我,雖然有時有啲辛苦,但我知你未預備好。我相信你知道自己要食乜野,訓幾多覺,就像我相信大自然每一隻野鹿野狼都知自己幾時戒奶,幾時離開媽媽一樣,我相信你嘅本能。 係每一個決定,每一個階段,都會有人覺得我縱容你,覺得我應該由你喊,覺得我應該迫你自己訓,迫你食野。開始時我都好懷疑自己,但我唔會輕易放棄,我努力去找出原因,不將你的行為當成要解決的問題。今日我知道,我唔需要任何人教我點湊仔。他朝當你不能達到我的期望時,當我生氣或失望時我亦唔會只係聽人話應該點教訓你,更唔會一時衝動講一些收唔返的晦氣說話,我一定會先聽你嘅解釋,從你嘅角度同能力去諗,唔會輕易話你多多藉口。我比你年長廿六年,我在任何一方面也比你有自制能力,我嘅責任係保護你,無論你係一個怎樣的人,和引導你,去做你想做而不會傷害其他因的人,而唔係迫你去成為我認可的,社會認可的一個人。我唔會出賣你嘅信任,我唔會俾藉口自己一時衝動而傷害你。我知道我唔能夠選擇你會記得我地一齊嘅邊嘅一段時光,我不要你係我身上學習到恐懼和傷害,我希望你想起我時會想起我雙手只會給你擁抱,和你一起做飯做麵包;想起我的聲音不是責罵或抱怨,而是跟你說天文地理,歷史科學。 我選擇去聆聽,因為在我成長時難以有人聆聽我;我選擇站在你的一方,因為有時世界是殘忍的,是會把你踐踏,把你吞噬,在你得意忘形時請隨意奔跑,不用記得我,但灰心失落時你要找人傾訴時不會在我口中得到冷嘲熱諷。在人生的每一個階段,我未必會認同你,我未必會贊成你,我未必有能力支持你,但我會嘗試去理解,我會用心去明白你。我不學無術,我不會教你甚麼,這是我僅僅能夠答應你的。 你剛剛才開始的一生,第一個愛的人,第一個信任的人,第一個令你快樂的人是我,而這會是我這一生最珍惜的一個身份。我希望十年後,二十年後,五十年後,也不會改寫,亦希望你在我身上得到力量去愛,去信任,去令其他人快樂。 I…

Read the Post我只能給你的

November 6 / Little Man

Bertie 就嚟一歲,近排佢喊少咗好多,未會獨立企起身,肯玩咗好多,但同時真係訓得好差。彷彿情緒同心理都大個了,知道我總會係度,可以有時自己玩下,但未會行,太多精力,所以訓唔到太多覺,晚晚九點幾先玩到累,佢訓咗無幾耐我都累到要訓,但十二點鐘就開始個個鐘醒,五點半就醒曬訓唔返要人玩。我每朝都好似完全無訓過覺咁。 但同時見佢學野學得好快,學用杯飲水,發出好多聲音學講野,主動攞書俾我講故仔,用手指指住啲圖畫,用唔同嘅聲音表示不滿或唔鐘意,肚餓或眼訓,唔再只係喊。 Whatever, this too shall pass. 我地開始安排係愛丁堡附近揾屋,好緊張,唔知下年的生活會怎樣,但一定和今年好唔同。 又係講食先。 以前有好多野我都唔知可以自己整,近排有另一樣野好隨意唔駛睇食譜就會做,哩樣就係香蕉蛋糕,開始起啡點點的香蕉,除咗做餅乾外,我還經常用它來整蛋糕,我用比較少糖,係普通食譜的一半至三分一,一來我自己唔係特別喜歡甜,二來 Bertie 現在我食乜佢都要試,所以低糖少鹽我就唔駛太避忌,而且香蕉本身都好甜,落少啲糖仲好。 我的鄰居話哩個係佢食過最好食的香蕉蛋糕,我一兩個禮拜都會整一次分啲俾佢兼做兩朝的早餐,住我隔嚟好幸福啊。 香蕉蛋糕…

Read the Post香蕉蛋糕

November 3 / Dear son
November 3 / Uncategorized
November 1 / 淨係識得食

卡琴日好驚喜,讚口不絕,真的很喜歡我的麵包,於是昨晚決定用同樣方法再做多一次。不同的是今次懂在保鮮紙上掃一浸油,和在工作面上落多了麵粉,也給了多點耐性,在等生麵團休息和在焗爐裡的時間也長了,麵包今次好似比上次個皮脆和薄,而裡面的孔明顯多了,也發得大了。 這個方法要用一個有蓋的焗爐盤去困住啲蒸氣去令個皮脆,我屋企只係得哩個瓦兜,唔係好大,今次好似有啲勉強。 出爐啦!好緊張! 等咗一個鐘之後,仲要等多半個鐘先可以試食 好緊張,我無探熱針,擔心唔夠熟。 好靚仔  :) 本身諗住上網買個叫 Dutch Oven 的焗爐盤,咁岩係 Swanage 的義賣店揾到合心水的器皿,只係 £6.5 !真係超好彩。

Read the Post再接再勵

October 31 / 淨係識得食

琴日去完超市先發覺唔記得買麵包做早餐,於是食完飯就諗,不如試多次親手整麵包啦。整麵包唔同整蛋糕,所以你見市面上有麵包機,因為需要的集中和耐性,甚至體力,比整蛋糕和餅乾要高,出錯的機會亦是。整麵包基本上本身已經係一種藝術,當年 jamie oliver 係covert garden學廚時都係特別早起朝早四點鐘返餐廳練習整麵包。 我之前用傳統的做法失敗過兩次,兩次都送俾垃圾筒,果時係剛剛小朋友出世,我開始用整野食減壓,但太急忙和分神,加上啲用具又唔適當,我都諗住投降要買麵包機。其實我係有點怕咗整麵包,邋黐黐的生粉團和周圍都係的麵粉。於是我就揾咗個最最最簡單,最最最懶,連搓麵粉都唔駛的食譜。這是一個(相對)很容易的做麵包方法,只有四種材料:麵粉,水,酵母和鹽,但都無可避免攪到成手都黐住濕邋邋的麵粉。我錯咗好多個步驟,連個生麵團都唔似樣,放佢入焗爐時諗住都係晒氣無希望,但竟然食得落口!我同Bertie 今朝已食咗半個包,個皮好脆,裡面好鬆軟,真係過得去,卡也食完一塊又一塊。 基本上如果唔識由麵粉開始整麵包,都唔算係一個 baker。我諗我會試下每個周末都練習整麵包,萬事起頭難,我終於成功咗第一步了!

Read the Post當屋企無麵包時

October 28 / 淨係識得食

自從離開倫敦和成為了媽媽後,我開始對吃的很有興趣,一方面沒時間看書看戲,另一方面成日肚餓。我常常想幫趁多點本地的農夫和本地生產商而減少去超級市場,學做多點菜和點心減少出街買,我盡量去這條小村的肉檔,但我住的地方沒有人賣菜或麵包。直至有次我的鄰居給我看她每個月訂的化妝試用品,十鎊一個月,她說我也該錫下自己,我好少轉化妝品,但才醒起,係喎,可以試下訂蔬菜箱,於是就上網找資料。 首先我是找到 Riverford 這家公司,它和幾個農場合作。其實用 Groupon 買係抵到爛。我蠢蠢欲動都登記好了,但佢個online system 可能有 bug,我個order 訂唔到,於是我要 email 佢,又要等佢打電話俾我,等得嚟我搵到係 Bournemouth 的 Berry Hill Farm,一個電話,星期一晚七點到,現金交收,又唔駛填…

Read the Post本地蔬菜